《金黄道地讲老话》
作词:高东 陈金华 阿荻
作曲:张峰
演唱:陈金华 阿荻
童声:
金黄道地里,金黄道地里,
夜饭吃好讲事体,讲事体!
热炽火辣格事体,
奇出怪样格问题,
和率是老百姓格话题。
金黄道地里,
夜饭吃好讲事体,
热炽火辣格事体,
奇出怪样格问题,
再听听慈溪老话
交关格 有道理。
荠菜炒年糕,越吃越痨嘈。
出力勿讨好,黄胖搡年糕。
外头充阁佬,屋里烧缸灶。
绣花枕头,烂呀么烂稻草。
蚱连喳喳叫,懒惰老嬣困晏高。
日里装鸡叫,夜里打虎跳。
朝南坐坐,脚膀撸撸。
船到九洞桥, 掌相扣勿老。
听我来讲讲慈溪格老事体,
如话侬听听交关格欢喜,
侬讲我讲和率来讲
流传到如今。
————————————————
金黄道地里,
夜饭吃好讲事体,
热炽火辣格事体,
奇出怪样格问题,
再听听慈溪老话
交关格 有道理。
下饭呒么,饭要吃饱。
饭吃三碗, 闲事勿管。
吃过肚饥,话过忘记。
嘴巴勿生毛,办事勿牢靠。
自道自好,烂眼乌罩。
大懒差小懒,小懒差石板。
大钿赚勿来,小钿眼勿开。
天高勿算高,人心节节高。
听我来讲讲慈溪格老事体,
如话侬听听交关格欢喜,
侬讲我讲和率来讲
勿个忘记。
————————————————
童声:
金黄道地里,金黄道地里,
夜饭吃好讲事体,讲事体!
热炽火辣格事体,
奇出怪样格问题,
和率是老百姓格话题。
金黄道地里,
夜饭吃好讲事体,
热炽火辣格事体,
奇出怪样格问题,
再听听慈溪老话
交关格 有道理。
南瓜当晏饭,省的汰碗盏。
夫妻长淡淡,咸菜长下饭。
外行看热闹,内行看门堂。
半斤对八两,铜缸对铁瓮。
有鱼有肉,坐拢就吃。
眼睛一眨,懒孵鸡娘变鸭。
小来外婆家,大哉丈母家。
眼头活络, 苦头勿吃。
听我来讲讲慈溪格老事体,
如话侬听听交关格欢喜,
侬讲我讲和碎来讲,
流传到如今。