《གདུགས་དཀར་རྒྱལ་ནི་》ཕ་ཡུལ་མང་རྫོང་ནས་མི་ཚེའི་གོམ་པ་དང་པོ་སྤོས་ཏེ་མཉོམ་ལག་རྒྱས་ཤིང་།འཚར་ལོངས་བྱུང་བ་ཡིན་ལ།ཁོ་བོ་མཐོ་རིམ་སློབ་གྲྭ་འགྲིམ་པའི་སྐལ་བ་མ་ལྡན་ན་ཡང་།རིག་གནས་སྒྱུ་རྩལ་ལ་བཅངས་པའི་ལྷག་བསམ་དེ་དང་ལྷན་སྐྱེས་ཀྱི་རིག་པ་སྐྱེན་པོ་དེས་ཉིན་མཚན་དུས་དྲུག་དུ་བག་ཕེབས་ངང་སྡོད་ཚུགས་ཀྱིན་མེད།སྔ་རོལ་དུ་བོད་ཀྱི་ཆེས་ཐོག་མའི་དགོད་གཏམ་བརྙན་ཐུང༼ཨ་དགའ་མགོན་པོ༽ཞེས་པར་བློ་འདོན་དང་འཁྲབ་ཞུགས་བྱས་མྱོང་ལ།བོད་རང་གི་གླུ་གར་སྒྱུ་རྩལ་གྱི་ཞིང་ཁམས་སུ་དེང་རབས་བོད་ཀྱི་བརྩེ་གཞས་གསར་བ༼མིག་མཆི་མའི་ནང་གི་ལོ་ཟླ༽ཞེས་པའི་སྒོ་མོ་ཞིག་ཡང་གསར་འབྱེད་བྱས་ཡོད།
