Sim Dekdak Liuxcaez (Cuengh-Yaej)
心碎无痕（壮语&布依语）
Coenz Cuengh:Daegyinz, Daegyiz, Daegliuj
作词：韦作云、陆益、刘敬柳
Raiz Guk: Daegyinz
作曲：韦作云
San Guk: Daegyiz
编曲：陆益
Ciengq: Daegyiz
演唱：陆益
Gimzloegyienz:Daeglenq
吉他：流炼
Sawcuengh: Daegliuj, Daeghungz
壮文整理：刘敬柳、卢李红
Ranz Ingjyaem Daegyiz nd. 5 bi 2011 ok
路易影音 2011.5.19出品
Mbanj Sawcuengh: www.cuengh.com
壮文网：www.cuengh.com
gou laihngeix ngoenzde mwngz naeuz doxmbek dwg gangj guhcaemz ndwi
bouxlawz ngeix daengz mwngz cuengqfwngz baenzneix ngaih mbouj lwnh gou cix gag byaij
bande raeuz hauhneix doxgyaez banneix mwngz dauq bae gyaez bouxwnq
caj gou lwgfwngh ndiu doxdauq haida vangqvaj lailai
gou laihngeix mwngz ciuhvunz neix gyaez gou boux vunz ndeu ndwi
bouxlawz ngeix daengz mwngz guhcaeg dawz aensim mwngz hawj bouxwnq liux gvaq
bande raeuz guhdoih ndei hauhneix lai banneix mwngz guhlawz lumz gvaqbae caez
hawj gou ngoenzngoenz hoen mbouj nem ndang aensim dekdak liuxcaez
hu……
vih gijmaz doxmieng gvaq banneix bienq baenzneix lai ngaih
gyaez mwngz naek lai mbouj rox guhlawz lumz ndaej bae
vih gijmaz doxgyaez gvaq liux ndawsim hauhneix naiq
goenq hoz daeuj gyaez doengj mbouj ndaej rag sim mwngz dauq
doxgyaez hauhneix hauhneix lai nanz mwngz doengj mbouj dawz haeuj sim bae
guhneix gvaq ngoenz guhneix gvaq hwnz hawj gou yaemsim daej
cix muenghnaeuz miz saek ngoenz mwngz fanjlaeng doxdauq raeuz ceq doxgyaez
hawj raeuz guhdoih gaemfwngz bae'naj byoemhau mbouj doxmbek daemx dai mbouj doxbyag
hu……aensim dekdak liuxcaez
